Құқық деген сөзді естігенде көп адамның ойына сот, полиция немесе заң бұзушылық келеді. Алайда құқық – күнделікті өміріміздің ажырамас бөлігі. Біз білім алғанда, жұмыс істегенде, қоғамдық көлікте жүргенде немесе интернет қолданғанда да белгілі бір құқықтар мен міндеттерге ие боламыз.
Өз құқығын білмеген адам кейде әділетсіздікке тап болған кезде не істеу керегін білмей қалады. Сондықтан құқықтық сауаттылықты арттыру – әр азамат үшін маңызды.
Әсіресе жастардың заңды білуі қажет. Интернеттегі алаяқтық, жеке мәліметтердің таралуы, кибербуллинг сияқты қауіптер күн сайын көбейіп келеді. Мұндай жағдайда сақтықпен қатар заңды білу де көмектеседі.
Заңды білу – заң бұзбау үшін ғана емес, өзіңді және өзгелерді қорғау үшін қажет. Құқығын білетін азамат – жауапкершілігін де жақсы түсінеді.
Г.СӘДУАҚАС
