Қоғамдағы тұрақтылық пен қауіпсіздік ең алдымен заң талаптарының сақталуына байланысты. Заң – белгілі бір шектеу ғана емес, әр азаматтың құқығы мен міндетін айқындайтын ортақ ереже. Сондықтан оны білу күнделікті өмірде маңызды рөл атқарады.
Ауданда «Заң мен тәртіп» қағидатын түсіндіруге, құқықтық сауаттылықты арттыруға бағытталған жұмыстар жүргізілуде. Тұрғындарға өз құқықтары мен міндеттерін білу, құқық бұзушылықтың алдын алу және заң талаптарын сақтау жөнінде түсіндіру жұмыстары ұйымдастырылады. Әсіресе жастар арасында құқықтық мәдениетті қалыптастыруға ерекше мән беріледі.
Заңға құрмет отбасынан басталып, мектепте жалғасып, қоғамдық ортада қалыптасады. Әр азамат өз әрекетінің жауапкершілігін түсінгенде ғана құқықтық мәдениеті жоғары қоғам қалыптасады. Бұл – тәртіптің берік негізі.
