Қоғамдағы әрбір игі бастама мен оң өзгерістің негізінде тәртіп пен жауапкершілік жатады. Заңның үстемдігі қамтамасыз етілген жерде адамдар өздерін қауіпсіз сезінеді, еңбек етуге, білім алуға және болашаққа сеніммен қарауға мүмкіндік алады. Сондықтан заң мен тәртіп қағидаты кез келген мемлекеттің тұрақты дамуы үшін аса маңызды.
Бүгінде құқықтық мәдениетті қалыптастыруға ерекше назар аударылуда. Бұл тек құқық бұзушылықтардың алдын алу ғана емес, азаматтардың заң алдындағы жауапкершілігін арттыруды да көздейді. Қоғамдық орындардағы тәртіпті сақтау, өзгенің құқығына құрметпен қарау, заң талаптарын орындау – өркениетті қоғамның басты белгілері. Әр адам өз әрекетінің салдарын түсініп, заң шеңберінде өмір сүргенде ғана әділ әрі сенімді орта қалыптасады.
Заң мен тәртіпті нығайту – баршамызға ортақ міндет. Әрбір азамат заңға құрметпен қарап, қоғамдағы тәртіптің сақталуына өз үлесін қосса, елдің бірлігі мен тұрақтылығы арта түседі. Заңды сыйлау – мемлекетке деген құрметтің, ал тәртіпті сақтау – келешек ұрпаққа деген жауапкершіліктің көрінісі. Сондықтан заң мен тәртіп қағидатын күнделікті өміріміздің ажырамас бөлігіне айналдыруымыз қажет.
