Қоршаған ортаның тазалығы – тек көрікті көрініс емес, ол әр адамның өмір сапасына әсер ететін маңызды мәселе. «Таза Қазақстан» бастамасы аясында жүргізіліп жатқан жұмыстар халықтың экологиялық мәдениетін қалыптастырып, туған жерге деген жауапкершілікті арттыруға бағытталған.
Айналаны таза ұстау, ағаштар мен жасыл желекті күту, табиғи байлықтарды ұқыпты пайдалану – үлкен өзгерістердің бастауы. Тазалық бір күндік шарамен шектелмей, әр азаматтың күнделікті дағдысына айналғанда ғана нақты нәтиже береді.
Туған өлкенің тазалығы – сол жерде өмір сүретін адамдардың мәдениеті мен жанашырлығын көрсетеді. Табиғатқа жасалған әрбір қамқорлық – келер ұрпаққа қалатын құнды мұра.
Таза орта – таза ойдың, жауапты қоғамның белгісі.
