Таза қоршаған орта – әр адамның өмір сапасына әсер ететін маңызды құндылық. Табиғатты аялау – тек экологиялық мәселе емес, бұл әр азаматтың мәдениеті мен жауапкершілігінің көрсеткіші. «Таза Қазақстан» бастамасы – еліміздің көркеюіне бағытталған игі қадамдардың бірі.
Біздің ауданымызда бұл бағытта көптеген жұмыстар атқарылып келеді. Сенбіліктер ұйымдастырылып, көшелер, саябақтар мен қоғамдық орындар тазартылып, ағаш көшеттері отырғызылуда. Мұндай іс-шаралар ауданымыздың көркін арттырып қана қоймай, тұрғындардың қоршаған ортаға деген жанашырлығын қалыптастырады. Алайда тазалық тек бір күндік акциямен шектелмеуі керек. Әр тұрғын өз ауласын, көшесін және табиғатты таза ұстауға үлес қосса, ауданымыз одан әрі көркейе түседі.
Тазалық – мәдениеттіліктің белгісі. Қоқысты арнайы орынға тастау, табиғатты ластамау, жасыл желекті қорғау сияқты қарапайым әрекеттердің өзі үлкен өзгеріске жол ашады.
«Таза Қазақстан» – жай ғана экологиялық акция емес, ол – туған жерге деген сүйіспеншілік пен азаматтық жауапкершіліктің көрінісі. Таза ауданнан – таза өңірге, таза өңірден – таза Қазақстанға бірге қадам жасайық!
