«Таза Қазақстан» – бұл жай ғана экологиялық акция емес, ол – табиғатқа деген жанашырлықты, туған жерге деген сүйіспеншілікті және азаматтық жауапкершілікті қалыптастыратын маңызды бастама. Таза қоршаған орта – дені сау ұлттың, көркейген елдің және жарқын болашақтың негізі.
Ауданымыздың тазалығы әрбір тұрғынның іс-әрекетіне байланысты. Қоқысты арнайы орынға тастау, ағаш отырғызу, су көздерін ластамау, көшелер мен аулаларды таза ұстау – қарапайым көрінгенімен, қоғам үшін маңызы зор істер. Әсіресе жастардың сенбіліктерге қатысып, табиғатты қорғауға белсенді атсалысуы экологиялық мәдениетті қалыптастырады. Тазалық – тек бір күндік шара емес, ол – күнделікті өмір салтына айналуы тиіс.
«Таза Қазақстан» – әр азаматтың ортақ ісі. Табиғатты қорғау мен айналаны таза ұстау арқылы біз өзімізге де, келер ұрпаққа да жайлы әрі көрікті орта қалыптастырамыз. Тазалықты өзімізден бастап, туған жеріміздің көркеюіне үлес қоссақ, ауданымыз да, еліміз де одан әрі гүлдене түседі.
