«Таза Қазақстан» бастамасы аясында ауданымызда тазалық пен абаттандыру жұмыстары жүйелі түрде жүргізіліп келеді. Көшелер тазаланып, аулалар ретке келтіріліп, қоғамдық орындардың көркі жақсарып келеді.
Тазалық сақтау тек арнайы ұйымдастырылған іс-шаралармен шектелмеуі қажет. Әрбір тұрғын өзі тұратын ортаның тазалығына жауапкершілікпен қараса, жақсы нәтижеге қол жеткізуге болады. Қоқысты белгіленген орынға тастау, айналаны ластамау, қоғамдық орындарды ұқыпты пайдалану – қарапайым, бірақ маңызды талаптар.
Ауданның тазалығы – сол жерде тұратын халықтың мәдениеті мен жауапкершілігінің көрінісі. Сондықтан «Таза Қазақстан» идеясын күнделікті өмір салтына айналдырып, туған жеріміздің таза әрі көрікті болуына бірге үлес қосуымыз қажет.
Г.Сәдуақас
