Тазалық – тек қоршаған ортаның көркі ғана емес, әр азаматтың мәдениеті мен жауапкершілігінің көрсеткіші. «Таза Қазақстан» бастамасы еліміздің барлық өңірлерінде тазалықты сақтауға, табиғатты қорғауға және тұрғындардың экологиялық санасын арттыруға бағытталған маңызды қадам болып отыр.
Біздің ауданымызда да бұл бағытта атқарылып жатқан жұмыстар аз емес. Аула тазалығы, көшелерді абаттандыру, көгалдандыру және қоршаған ортаны қорғау шараларына тұрғындар белсенді қатысуда. Таза әрі жайлы орта қалыптастыру – тек арнайы қызметтердің емес, әрбір азаматтың ортақ міндеті.
Тазалық бар жерде тәртіп пен жауапкершілік болады. Сондықтан әр адам қоқысты белгіленбеген жерге тастамай, табиғатты аялауға және қоғамдық орындардың тазалығын сақтауға үлес қосуы қажет.
«Таза Қазақстан» – бір күндік науқан емес, бұл тұрақты түрде қалыптасатын жақсы әдет пен өмір салты. Туған жеріміздің тазалығы мен көркеюі өз қолымызда. Бірлесе әрекет етсек, ауданымызды одан әрі көркейтіп, таза әрі жайлы мекен ете аламыз.
