«Таза Қазақстан» акциясы – туған жеріміздің тазалығына бейжай қарамауға шақыратын маңызды бастама деп ойлаймын. Біздің ауданда да бұл бағытта тазалық жұмыстары жүргізіліп, көшелер мен қоғамдық орындар ретке келтіріліп жатыр. Мұндай жұмыстардың нәтижесін күнделікті өмірден көруге болады.
Меніңше, тазалық тек сенбілік кезінде ғана емес, әр адамның күнделікті әдетіне айналуы керек. Өз ауламызды, көшені таза ұстау, қоқысты белгіленген орынға тастау – үлкен жауапкершіліктің белгісі. Бір адамның тазалыққа деген көзқарасы айналасындағы адамдарға да әсер етеді.
Сондықтан «Таза Қазақстанды» бір күндік акция ретінде емес, тұрақты өмір салты ретінде қабылдауымыз қажет. Ауданымыздың таза әрі көрікті болуы – бәрімізге ортақ іс. Туған жерімізді таза ұстау арқылы өзімізге де, келер ұрпаққа да жақсы орта қалыптастырамыз.
