«Таза Қазақстан» бастамасы – қоршаған ортаны қорғауға бағытталған маңызды қадамдардың бірі. Табиғат – адамзаттың ортақ байлығы. Сондықтан туған жердің тазалығын сақтау әр азаматтың міндеті болуы керек. Бүгінде көше тазалығы, ағаш отырғызу, өзен-көлдерді қорғау мәселесі қоғам назарында болуы өте маңызды.
Таза орта адамға ерекше әсер сыйлайды. Жинақы көше, жасыл желек, таза ауа – мұның бәрі адамдардың өмірге деген көзқарасын өзгертеді. Кейде үлкен өзгеріс кішкентай әрекеттен басталады. Қоқысты арнайы орынға тастау, табиғатқа зиян келтірмеу, айналаны күтіп ұстау – мәдениетті қоғамның белгісі.
Табиғатқа жанашырлық таныту – болашаққа қамқорлық жасау деген сөз. Егер бүгін қоршаған ортаны қорғамасақ, ертеңгі ұрпаққа таза табиғат қалдыру қиын болады. Сондықтан «Таза Қазақстан» әр адамның жүрегінен орын алатын ортақ құндылыққа айналуы қажет.
Г.ЖОЛДАСҚАЛИ
