Сыбайлас жемқорлық – кез келген мемлекеттің дамуына кері әсер ететін қауіпті құбылыс. Ол қоғамдағы әділдік пен заң үстемдігіне нұқсан келтіріп, халықтың мемлекетке деген сенімін әлсіретеді. Сондықтан сыбайлас жемқорлықпен күресу – әрбір азаматтың ортақ міндеті.
Адалдық пен әділдік – өркениетті қоғамның басты құндылықтары. Егер адамдар өз қызметін жауапкершілікпен атқарып, заң талаптарын сақтаса, жемқорлықтың азаюына ықпал етеді. Әр адам пара беруден де, пара алудан да бас тартып, өз ісінде шынайылық танытуы қажет. Сонда ғана қоғамда сенім артып, елдің дамуына жол ашылады.
Қорытындылай келе, сыбайлас жемқорлыққа қарсы күрес тек мемлекеттік органдардың ғана емес, бүкіл қоғамның ортақ ісі. Әр азамат адалдықты ту етіп, заңды құрметтеп, жемқорлыққа жол бермеуге үлес қосуы тиіс. Сонда ғана әділетті, дамыған әрі болашағы жарқын мемлекет құра аламыз.
