Сыбайлас жемқорлық – қоғамның дамуына кері әсер ететін күрделі мәселенің бірі. Ол заң мен әділдік қағидаларына нұқсан келтіріп, азаматтардың мемлекеттік институттарға деген сеніміне әсер етуі мүмкін. Сондықтан жемқорлықтың алдын алу – ел болашағы үшін маңызды міндет.
Сыбайлас жемқорлықпен күрес тек мемлекеттік органдардың жұмысы емес. Әр азамат заң талаптарын сақтап, өз құқығын біліп, пара бермеу және пара алмау қағидатын ұстануы қажет. Қоғамда адал еңбек пен әділдік құндылықтарын қалыптастырудың маңызы зор. Бұл бағытта жастарға құқықтық және адамгершілік тәрбие беру де ерекше рөл атқарады.
Әділ қоғам құру әр адамның күнделікті әрекетінен басталады. Заңды құрметтеу, жауапкершілік таныту және адалдықты басты орынға қою – сыбайлас жемқорлықтың алдын алуға ықпал ететін маңызды қадамдар. Адал қоғам – тұрақты дамудың негізі.
Г.Жолдасқали
