Отбасы – қоғамның ең маңызды тірегі. Әр адамның тәрбиесі мен мінезі алдымен отбасында қалыптасады. Сондықтан отбасындағы сыйластық пен тәртіп қоғамдағы тыныштықтың негізі болып саналады. Тату әрі тәрбиелі отбасы – ел болашағының кепілі.
Қазіргі таңда қоғамда отбасы құндылығын нығайтуға ерекше көңіл бөлінуде. Үлкенді құрметтеу, кішіге қамқор болу, жауапкершілік пен өзара түсіністік – әр шаңырақта болуы тиіс қасиеттер. Егер әр отбасы баласына дұрыс тәрбие берсе, қоғамда тәртіп бұзушылық та азаяр еді. Себебі тәрбиелі ұрпақ заңды сыйлап, ел тыныштығын сақтауға үлес қосады.
Отбасындағы тәртіп пен бірлік – қоғамның тұрақтылығының басты негізі. Әр адам өз отбасындағы сыйластықты сақтап, жақсы тәрбиеге мән беруі қажет.
