Жеңіл өнеркәсіп – халықты күнделікті қажетті тауарлармен қамтамасыз ететін және экономиканың маңызды салаларының бірі болып саналатын өндіріс бағыты. Мемлекет басшысының тапсырмасына сәйкес соңғы жылдары бұл саланы дамытуға ерекше көңіл бөлініп, отандық кәсіпорындарды қолдау бағытында жүйелі жұмыстар жүргізілуде. Соның нәтижесінде жеңіл өнеркәсіп бес жыл қатарынан тұрақты өсім көрсетіп келеді.
Саладағы оң өзгерістер өндіріс көлемінің артуынан анық байқалады. Кәсіпорындарды жаңғырту, отандық өнімге сұранысты арттыру және шағын әрі орта бизнесті қолдау шаралары өз нәтижесін беруде. Әсіресе тоқыма өндірісі, киім тігу және былғары бұйымдарын шығару бағыттарының дамуы ел экономикасына қосымша серпін беріп отыр. Сонымен қатар мақта өндірісі мен оны өңдеу көлемінің артуы отандық жеңіл өнеркәсіптің әлеуетінің жоғары екенін көрсетеді.
Жеңіл өнеркәсіптің тұрақты дамуы – экономиканы әртараптандырудың және жаңа жұмыс орындарын ашудың маңызды тетігі. Отандық өндірісті қолдау арқылы еліміздің бәсекеге қабілеттілігі артып, халықтың әл-ауқаты жақсара түседі. Сондықтан жеңіл өнеркәсіп саласын дамыту – ел экономикасының болашағына салынған инвестиция деп бағалауға болады.
Г.СӘДУАҚАС
