Қоғамдық тәртіп – ел тыныштығы мен тұрғындардың қауіпсіз өмір сүруінің негізі. Таза әрі қауіпсіз ортада өмір сүру әрбір азаматтың арманы болса, оны сақтау – баршамыздың ортақ міндетіміз.
Қоғамдық тәртіп тек құқық қорғау органдарының жұмысына ғана байланысты емес. Әр адам қоғамдық орындарда өзін мәдениетті ұстап, заң талаптарын сақтауы қажет. Көшеде тазалық сақтау, жол ережесін орындау, өзгенің құқығына құрметпен қарау – қоғамдық тәртіптің маңызды құрамдас бөліктері. Бір адамның жауапсыз әрекеті көптеген адамдарға қолайсыздық туғызуы мүмкін.
Сондықтан қоғамдағы тәртіпті сақтау ісіне әр азамат белсенді қатысуы қажет. Бірлік пен жауапкершілік болған жерде тұрақтылық пен тыныштық орнайды. Қоғамдық тәртіпті сақтау арқылы біз келешек ұрпаққа үлгі боламыз.
