Есірткі және психотроптық заттардың заңсыз айналымының алдын алу – қоғамның қауіпсіздігі мен ұлт денсаулығын сақтаудағы маңызды міндеттердің бірі. Бұл бағыттағы жұмыстар құқық қорғау органдарының ғана емес, бүкіл қоғамның ортақ жауапкершілігін талап етеді.
Ауданымызда да тұрғындар арасында есірткінің зияны туралы ақпараттық-түсіндіру шаралары тұрақты түрде ұйымдастырылып келеді. Әсіресе жастарға салауатты өмір салтын насихаттау, заң талаптарын түсіндіру және зиянды әдеттердің алдын алу бағытында кездесулер, дәрістер мен акциялар өткізілуде. Мұндай шаралар жас ұрпақтың өмірлік ұстанымын дұрыс қалыптастырып, құқық бұзушылықтың алдын алуға оң әсерін тигізеді.
Есірткіге қарсы күрестің тиімділігі әрбір азаматтың заңға деген құрметі мен қоғамдық жауапкершілігіне байланысты. Ата-ананың бала тәрбиесіне көңіл бөлуі, білім беру ұйымдарының профилактикалық жұмыстары және тұрғындардың қырағылығы – бұл бағыттағы ең маңызды тетіктердің бірі.
Заң мен тәртіп қағидатын берік ұстанған қоғамда ғана қауіпсіздік пен тұрақтылық сақталады. Сондықтан әрбір тұрғын заңсыз әрекеттерге бейжай қарамай, қоғамның тыныштығы мен жас ұрпақтың жарқын болашағы үшін өз үлесін қосуы қажет. Есірткісіз орта – дені сау ұлттың, берекелі отбасының және өркендеген ауданның басты кепілі.
