Есірткі – адамның денсаулығына ғана емес, қоғамның қауіпсіздігіне де үлкен қауіп төндіретін зиянды құбылыс. Ол жастардың өміріне кері әсер етіп, көптеген әлеуметтік мәселелердің туындауына себеп болады. Сондықтан есірткінің алдын алу және оған қарсы күрес жүргізу – баршаға ортақ міндет.
Қазіргі таңда жастар арасында салауатты өмір салтын насихаттау, спортпен айналысуға жағдай жасау және зиянды әдеттердің зардабын түсіндіру маңызды бағыттардың бірі болып отыр. Есірткінің адам өмірін құрдымға апаратынын түсіну арқылы ғана оның таралуына тосқауыл қоюға болады.
Әрбір азамат есірткіге қарсы күреске өз үлесін қосып, айналасындағы адамдарды зиянды әрекеттерден сақтандыруға атсалысуы қажет. Денсаулығы мықты, саналы ұрпақ – еліміздің жарқын болашағының кепілі.
