Көктемгі күннің жылуы сезіле бастаған кезде аудан тұрғындары да көгалдандыру жұмыстарына кірісті. Қолына күрек ұстаған жастар мен үлкендер бос жатқан аумақтарға көшет отырғызып, айналасын ретке келтірді.
Бұл сырт көзге қарапайым жұмыс болып көрінуі мүмкін. Алайда бүгін отырғызылған бір талдың ертең саялы ағашқа айналатынын ескерсек, оның маңызы зор. Ағаш – табиғаттың тынысы ғана емес, келер ұрпаққа қалатын аманат.
«Таза Қазақстан» аясындағы мұндай бастамалар адамдарды қоршаған ортаға жанашыр болуға үндейді. Көшет отырғызу арқылы тұрғындар ауданның бүгінгі келбетін ғана емес, болашағын да ойлайды.
Жасыл желек көбейген сайын елді мекеннің ажары да арта түседі. Сондықтан табиғатты қорғау – үлкен сөздерден емес, жерге бір тал көшет отырғызудан басталатын ізгі іс.
Г.СӘДУАҚАС
