Ауылдың ажары мен ауданның көркі ең алдымен оның тазалығы мен жинақылығынан көрінеді. Осы бағытта жүзеге асып жатқан «Таза Қазақстан» бастамасы тұрғындарды ортақ іске жұмылдырып, туған жерге деген жанашырлықты арттыруға ықпал етуде.
Тазалық жұмыстарына әртүрлі сала өкілдерінің қатысуы – жақсы үрдістің қалыптасқанын көрсетеді. Көшелерді тазалау, қоқыстарды шығару, аулаларды ретке келтіру секілді жұмыстар елді мекендердің көркін аша түседі. Әсіресе мұндай шараларға жастардың, еңбек ұжымдарының және тұрғындардың белсенді араласуы маңызды.
Алайда абаттандырудың нәтижесін сақтау – одан да маңызды міндет. Тазаланған аумаққа қайта қоқыс тастамау, қоғамдық мүлікке ұқыпты қарау, айналаны көгалдандыруға үлес қосу – әр азаматтың қолынан келетін іс.
Тазалыққа жауапкершілікпен қарау арқылы біз бүгінгі ортаны ғана емес, келешек ұрпаққа қалатын мекеннің келбетін де қалыптастырамыз.
Г.СӘДУАҚАСОВА
